المقادير
بصلة كبيرة بتفرميها ناعم جدا
- 2 فص توم مهروس
- قطعة زنجبيل صغيرة مبشورة
مكعبات صدور الدجاج (4 -5 صدور دجاج فيليه )
رب بندورة
قشطة أو كريمة خفق
البهارات: زنجبيل بودرة و ملح و فلفل أسود و ورق غار و أهم شي نص معلقة كاري و نص معلقة جارام ماسالا , و ممكن تقللي الكاري و المسالا أو تزيدي حسب الرغبة لانهم هم اللي بعطو الطعم اللي بحرق
الطريقة
- بصلة كبيرة بتفرميها ناعم جدا
- 2 فص توم مهروس
- قطعة زنجبيل صغيرة مبشورة
- بتدبلي البصل و الزنجبيل و التوم في شوية زبدة لحد ما تطلع ريحتهم و يدبلو شوي
- بتضيفي للبصل و الزنجبيل و التوم مكعبات صدور الدجاج (4 -5 صدور دجاج فيليه ) بتكوني مقطعتيهم
- بتخلي الدجاج يستوي شوي و ممكن تضيفي شوية مي و تغطي القلاية 5 دقايق
- بتضيفي البهارات: زنجبيل بودرة و ملح و فلفل أسود و ورق غار و أهم شي نص معلقة كاري و نص معلقة جارام ماسالا , و ممكن تقللي الكاري و المسالا أو تزيدي حسب الرغبة لانهم هم اللي بعطو الطعم اللي بحرق
- بتضيفي 2 مل كبيرة رب بندورة و 2-3 ملعقة قشطة أو ربع كوب كريمة
- بغلو 5 دقايق و ممكن تضيفي شوية مي ازا بدك يكون مش كتير لزج
و صحتين
ملاحظات
نصائح الشيف:
ازا كانت الأكلة كتير بتحرق ممكن تضيفي لبن زبادي بالآخر
و ع فكرة في ناس بعملو هاي الأكلة باللبن الزبادي بدل الكريمة بس هي أصلا بالكريمة و حليب جوز الهند بس هاي أسهل وصفة
و ممكن كمان بدل الكريمة تحطي نص المقدار كريمة و نصه حليب